Seneme Arina ke Dêrsim de têna yew westaya cinîye ya viraştişê tembûran a ard ziwan ke ganî cinîyî zêdêr bala xo bidê viraştişê tembûran û da zanayene ke seba perwerdeyê naye berê aye her kesî rê akerde yo.
Dêrsim de tek westaya cinîye ya viraştişê tembûran Seneme Arin (24) bi nê tembûran veng dana daran. Seneme heman wextî de tembûran tamîr zî kena. Seneme wexto ke newe dest pê nê karî kerdbi xeylêk kesan tira vat ke dima do acîz biba. La Seneme goş pa nêkewte û bi înadî tembûran de eleqedar bîye.
Seneme wexto ke lîse de wendêne cinitişê tembûrî musa. Serra 2014î de Seneme Konservatuarê Semsûrî de binê tesîrê westayêkê tembûrî de mende û Zanîngehê Ege de viraştiş û tamîrê hacetanê muzîkî ser o perwerde girewt. Seneme dima ke mezun bîye merkezê Dêrsimî de kargehê xo akerd.
Seneme derheqê nê eşqê xo de nê çîyî vatî: ''Ma bi vengê tembûran cem gênê, deyîran vanê û keyeyê ma de tim mîyanê xoşeberan de tembûr esto. Ez nika di mengan de yew tembûr virazena. Sere de cinîyî ez wazena nê karî bimusna her kesî. No kar têna karê camêrdan nîyo. Wexto ke Dêrsim de merdimî wexto ke mi vînenê şaş benê la ê do bimusê mi. Êyê ke wazenê n3e karî bimusê berê mi înan rê tim akerde yo.''
