Dewa cinîyan Jinwar a ke hetê cinîyan ra ameya awankerdene meclîsê ci zî ame ronayene.

Organîzasyonê cinîyan ê herêma Cizîre ya Vakurê Sûrîye menga Kanûne ya 2016î de  qezaya Dirbêsiyê ya pabesteya Kantonê Hesekê de dest bi awankerdişê dewa cinîyan a bi nameyê Jinwarî kerdibi û 25ê Teşrîna peyêne roja mucadeleyê vera şidetê serê cinîyan  de dewe ameyebî akerdene.

Dewa Jinwarî ke Rojakewtena mîyanêne de dewa yewine ya cinîyan a de kîşta 30 keyeyan de, Dibistana Maye Uveyşe, Akademîya Jinwarî, muzeyêk û ocaxa weşîye zî estê.

Pawitişanê Rayberê Şarê Kurdî Abdullah Ocalanî de bale ancîyena homaye Îştare û cinîya ke qîmê xo bi xo ana û fikrê awankerdişê dewa Jinwarî nê ra yeno.

Verê awankerdişê dewe xeylî muhendîs û organîzasyonanê cinîyan dir pêvînayîşî ameyê viraştene. Netîce de qerar dîyayo ke heme 30 keyeyê dewe zî herrî ra bêrê viraştene.

Dewa ke 25ê Teşrîna peyêne de ameye akerdene  de nika 8 keyeyî bica bîyê de cuya hempare yena esasgirewtene. Wextê arayî û şamîyan ê dewe hempar ê. Cinîyê ke dewe de ameye cakerdene dest bi xebatanê rêxistinkerdişî kerdî û meclîsê xo rona.

Vervatoxa dewe Fatma Derwişe ard ziwan ke heme gureyê dewe cinîyî xo mîyan de pare kenî. Reyna kombîyayîşî yenî viraştene û menge de rayêk meclîsê cinîyan yeno pêser. Heto bîn ra  cinîyî seba xo sarisnayîş û resnayîşî perwerde zî vînenî.