Vervatoxa DEM PArtî Ayşegule Dogan merkezê partîya xo de kombîyayîşê çapemenîye de rojdem ercna.

Qiseykerdişê Dogane ra tayê noqtayê girîngî wina yê:

''Sûrîye ra seba Tirkîya tehluleyêk çin o. Meseleyî ganî bi dîyalogan bêrê çareserkerdene, bi şerî ney. Serfermandarê QSDyî Mazlûm Ebdîyî zî vat ke ê seba dîyalogan amade yê. Nê zî mojnenê ke sînorê Tirkîya binê tehlukeyî de nîyê. Polîtîkayê serê Sûrîye nakok ê. Ma sey DEM Partî veng danê ke wa dîyalogî bêrê kerdene.

Êyê ke vanê 'ma wazenê kurdan de haştîye bikerê', hêrişê Rojawanî kenê. No nêno qebulkerdene. 

2016 ra nata şaredarîyanê kurdan rê qeyûmî yenê tayînkerdene. Qeyûm xirabî, talankerî û rijîyayîş o. Ma vanê wa îtîfaqê kurdan û tirkan bêro xurtkerdene. Şima kerdişê qeyûmî ra fek vera bidê.

Ma seba çareserîya mesuldarîya kurdan amade yê. Nê nîqaşî ganî bi gamanê zelalan bêrê kerdene. Birêz Abdullah Ocalanî zî vat ke o seba çareserîye amade yo. La hema zî dewlete gamêke nêeşte û hêriş û tayînê qeyûman rê dewam kena. 

Wan de heqê Zeydanî ancî ameyî betalkerdene. Îqtîdar gêreno ke Şaredarîya Wanî xesp bikero. Verê cû no ceribna zî la şarî nêverda. Ganî îradeyê şarî bêro şinasnayene. Wa îqtîdar îradeyê şarî rê hûrmet bikero. Bira mehkeme ya serê Zeydanî do nêeşka biba sebebê qeyûmî.

Ma seba pêvînayîşê Birêz Abdullah Ocalanî muracat kerd. La hema Wezîrîya Edaletî cewab nêda muracatê ma. Ganî mîyanê 10 rojan de cewab bêro dayene. Pêro rayaumûmîye wazena qiseyanê Ocalanî goşdarî bikera. Ma wazenê ke tecrîd wedarîyo. Birêz Abdullah Ocalan muxatabê çareserîya meseleya kurdan o, lîderîya ey hewatî ya. Ganî berê Îmraliyî bêrê akerdene.''