Paytextê Armenîstanî Erîvan de bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan kombîyayîşê Yewîya Cinîyan ê Azadan de cinîyê kurd, armenî, sûryanî û gurcuyî ameyî yewca.
Paytextê Armenîstanî Erîvan de bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan kombîyayîşê Yewîya Cinîyan ê Azadan de cinîyê kurd, armenî, sûryanî û gurcuyî ameyî yewca.
Kombîyayîş de cinîyan têkoşîn û rayîrê têkoşînî de nîqaşî kerdî. Dima Yewîya Cinîyan ê Azadan eşkerayîyêke daye.
Kombîyayîş de qiseykerdoxan ard ziwan ke ganî cinîyî vera şîdetî bêrê yewca û pîya têkoşîn bikerê. Endama Yewîya Cinîyan Lianna Mihoyan vat: ''Ma eşkenê xo bipawê û miqatê xo bibê. Ganî ma vera şîdetî rêxistinîya xo awan bikerê.''
Aktîvîsta heqanê cinîyan Larisa Alaverdyan zî îfade kerd ke şîdetê vera cinîyan teyna fîzîkî ney psîkolojîk o zî û ganî hişmendîya komelî ya serê şîdetî bêra vurnayene.
Wekîla sûryanîye Zemfîra Mîrzoyev vat ke her ca de cinîyî ganî wayîrê erkanê xo vejîyê.
Sereka Rêxistinîya Komelkî ya Neteweyîye Kristine Vardanya vat: ''Ganî çalakîyê ma bi na roje sînordar nêbê. Çunke cinîyî her roje raştê şîdetî yenê.''
Wekîla Partîya Peymana Medenîye Marîya Karapetîyan vat: ''Pêro dewletî hetê mezgê camêrdan ra yenê îdarekerdene û pêro şerî zî hetê nê mezgî ra dîyenê destpêkerdene.''
