Cinîyê kurdîstanijî serkêşîya Yewîya Cinîyan ê Kurdan a Almanya (YJK-E) de emser 15ê hezîrane de Festîvala Cinîyan a Zîlane ya 18ine do Duisburgê Almanya de bikerê. Şîarê festîvala emserîne 'Bi Jin, Jiyan, Azadî ber bi Şoreşa Jinê ve' yo.

Festîvale de Xecê, Sîmav Huseyîn, Suna Alan, Firmêsk, Koma Domanan a MA, Koma Folklorî ya Efganistanî, Govend, Koma Zarokên Rojê, dengbêjî do vejîyê sehne ser.

Ancî cinîyî do festîvale de standan awan bikerê, werdanê kurdan, karanê xo yê destan, kincanê kurdan ûsn. bidê şinasnayene. 

Komîteya Amadekarîye ya Festîvale ra Aytene Kaplan û Vervatoxa YJK-E Kezbane Dogan ANFyî rê qisey kerd.

Aytene bale ante girîngîya festîvale ser û vat: ''Sey her serre ma do ancî meywanê festîvale de hêzê xo yê têkoşîn û rêxistinîye yew bikerê. Ma do hetê kulturel û komelkîyî ra ca bidê fikranê neweyan ke pêro cinîyî wa bieşkê mesajanê xo bidê. Seba domanan zî festîvale de warêk do est bo. Ma venga pêro cinîyan danê ke tewrê festîvale bibê.''

Kesbane ard ziwan ke tay mendo ke amadekarîyê înan biqedê û vat: ''Festîvala Zîlane hem seba nameyê xo hem zî seba şîarê xo zaf girîng a. Ma bi na festîvale biba cewab. Cinîyan Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de rolê xo kay kerd. Festîvale de zî cinîyî do tewirê xo bimojnê. Coka wa pêro cinîyî tewrê festîvale bibê.''