Gerîla û xoza: Cuya tewr kêfweşe

Fermandara YJA-Starî Amara Ronahî: Xeylêk heywanî estê ke ma wayîrê ci vejîyenê la ma nînan sey mulkê xo nêvînenê, hepis nêkenê, xoza ra dûrî nêvisnenê. Sey ma ê zî dormeyê xo de ciwîyenê û faydeyê înan zî zêde yê.

Gerîlayî koyanê Kurdîstanî de mîyanê xoza û heywanan de ciwîyenê. Fermandaranê YJA-Starî ra  Amara vana: ''Gerîlayî senî ciwîyenê? Gerîlayî koyan, daristanan, wareyan de xoza reyde ciwîyenê. Gerîlayî wesayît, fabrîka sixletîya şaristanan ra dûrî yê. Cuya xoza seba gerîlayan cuyêka tewr rind û kêfweş a. Xoza de tewir bi tewir gandarî estê. Gerîlayî nê gandaran zî sey xo vînenê û hîs kenê. Heywanê koyîyî destê gerîlayan ra nan wenê. Xeylêk heywanî estê ke ma wayîrê ci vejîyenê la ma nînan sey mulkê xo nêvînenê, hepis nêkenê, xoza ra dûrî nêvisnenê. Sey ma ê zî dormeyê xo de ciwîyenê û faydeyê înan zî zêde yê. Gerîlayî dormeyê xo de çi esto manadar vînenê.''

Gerîla Amara Ronahî qala ci kena ke gerîlayî senî nêzdîyê heywanan benê: ''Paradîgmaya ma ekolojîk a. Seke Rayber apo vano paradîgmaya ma de cayê ci çin o ke ma gadaran xoza ra dûrî bivisnê. Ma heywanê ke dormeyê ma de yê girê nêdanê. No têgêrayîşêkê kapîtalîzmî yo. Heywanî key biwazî şinê yenê. 

Seba ma manaya merdiman û xoza sey ci ya. Wexto ke ma dar û gilanê ke zîl danê vînenê ma pê benê şay. Gerîlayî newekerdiş û awankerdişî xo rê sey esas gênê. ''