Guvene ra mesajê serra newîye
Hemsereka KCDyî Leyla Guven Zîndanê Xarpêtî ra bi rayîrê telefonî da zanayene ke a hema zî koxûşê karantîna de ya û serra newîye ya her kesî fîraz kena.
Hemsereka KCDyî û Wekîla HDPyî ya Colemêrgî Leyla Guvena ke ci rê cezaya zîndanî ya 22 serran û 3 mengan dîyaye Zîndanê Xarpêtî ra bi rayîrê telefonî mesajêk erşawit.
Guvene 20 deqayan telefon de qisey kerd û pare kerd ke a hema zî koxûşê karantîna de ya, faks, mektubî nêdîyenê ci. Guvene ard ziwan ke weşîya ci hol a. Guvene serra newîye ya her kesî fîraz kerde.
