HDP: Zîndanan de îdam yeno caardene!

Wekîlanê HDPyî ard ziwan ke tepişteyê nêweşî mergî rê ameyî terkkerdene û vat zîndanan de îdam yeno caardene.

Wekîlanê Partîya Demokratîke ya Şaran  (HDP) meclîs de derheqê tepişteyanê nêweşan de kombîyayîşê çapemenîye kerde. Serpîle Kemalbay, Merale Daniş Beştaş, Dersime Dag, Gulîstane Kiliç Koçyigit, Kemal Bulbul, Kemal Pekoz, Zeynal Ozen, Mahmut Togrul, Mehmet Ruştu Tiryakî tewrê kombîyayîşî bîyî.

Eşkerayîya ke ke hetê Beştaşe ra ameye wendene de nê ameyî parekerdene: ''Goreyê doneyanê peyênan ê Komeleya Heqanê Merdiman zîndanê bi kapasîteyê 220 hezar kesan de 280 kesî manenê. Nînan ra hezar 334 tepişteyî nêweşî û 457ê înan nêweşê xidar ê. Goreyê donayanê tayî dezgehanê komelî yê sivîlan têna 2019 de 50 tepişteyê nêweşî merdî. Nêweşî nênî tedawî kerdene û heqê înan ê cuya destê înan ra yeno girewtene. Zafê înan 25-30 serrî yo zîndan de yê. Dewlete tepişteyan ra qesas gêna. Sazîya Tibê Edlî  (ATK) sey komîsyonêkê AKPyî tê gêrena. Rixmê nêweşîyanê xidaran repor nêdana. Cezaya îdamî  qale de ameya wedartene û la nêweşê ke zîndan de mergî rê terk bîyê ramojnenê ke cezaya îdamî pratîk de yena caardene. Bi vernîgirewtişê tedawî, tênaverdayîşê tepişteyan û ceza zeman rê vilakerdişî zîndanan de îdam yeno caardene.''