Girewteya bi nameyê Mîzgîn Kayitbey a ke Hepisxaneyê Patnosî yê Tîpê L’yî de ya, 1’ê Adare ra nata grevê vêşanîye de ya û mengêk cezaya qedexekerdişê pêvînayîşî ci rê ameye birnayene.

Mîzgîn Kayitbeye mektubêk nuşte. Mektube de wina ame vatene:

“Ma tecrîdî serê Rayberîye şermezar kenê û hevalê ke grevê vêşanîye de, înan silam kenê.

Nê sîstemê çetin ê dinya de, gêrayîşê heq û edaletî her wext rastê zehmetî û astengîyan ameyo. Çîyo ke nê têkoşînî  bimana keno zî xoverdayîşê şarê ma yo. Çalakîya xoverdayîşî ya grevê vêşanîye ya hemrayanê ma, mîjdanîya wisarî dana ma.  Serê rêça rayîrê azadîye de averşîyayîş, sereke rastî yê cuya ma yo.  Azadîye nêna girewtene û girewtişê fîzîkî nêeşkenê vernîya rayîrê azadîye de bibê asteng. Ma teqîpkerê Kemal Pîr,Xeyrî Dûrmûş û Alî Çîçekan ê û nê serkêşê şorişgêrî rûmetê şaran ê.

Şert û mercê ci beno wa bibo, ganî şarê ma leyê nê kesan de bo, înan ê ke tarîxê ma dayo nuştene. Ma vengdayîş heme dayîk û hemrayanê xo yê ciwanan û şarê Kurdistanî rê kena ke wa nê prosesê tarîxkî de wezîfeyê xo bîyarê ca.”