Wareyê bejikî yê Mehlaya Bayirli ya qezaya Licê ya Amedî de 4 gerîlayê HPG’yî yê ke pêkewtişê roja 3’ê Hezîrane de cuya xo vînî kerde, 44 rojîyo cayê operasyonî de yenê vindarnayene. Seba girewtişê meyîtan keyeyan muracatê ÎHD’yî kerd.
Qezaya Licê ya Amedî de 44 rojî yo ke meyîtê 4 gerîlayanê HPG’yî yê ke operasyon de cuya xo vînî kerde, herêma operasyonî de yenê vindarnayene. Keyeyan seba ke meyîtanê xo bîgêrê muracatê ÎHD’yî kerd.
Çarçeweya operasyono ke 2’ê Hezîrane de wareyê bejikî yê Mehlaya Bayirli ya qezaya Licê ya Amedî de ame destpêkerdene de pêkewtişê 3’ê Hezîrane de 5 gerîlayanê HPG’yî cuya xo vînî kerdebî. Nînan ra meyîtê Ferhat Kocakayayî (Rizgar Amed) amebi girewene û Licê de amebi definkerdene. Meyîtê Îbrahîm Çelîk (Mahîr Andok), Abdullah Turhan (Rêber Amed), Omer Demîrêl (Serhildan Mazî) û Yûsûf Kayranî ( Zinar Akro) 44 rojî yo ke herêma operasyonî de yenê vindarnayene. Keyeyê ke semedê girewtişê meyîtanê xo herême de pawenê, ewro muracatê Komeleya Heqan a Merdiman (ÎHD) kerd.
Serekê Şûbeyê ÎHD’yî yê Amedî Abdullah Zeytûnî medyaya sosyale de da pêhesnayene ke keyeyan muracatê înan kerdo û nê nuştî: ’’ Xeylî wext o ke meyîtê gerîlayanê PKK’yî herême de yê. Keyeyan muracatê ma kerd. Muracatanê ma yê bihuhûqî rê hema cewab nêameyo dayene. Definkerdişê cenazeyan huqûqî ra wet çîyêk o wîjdanî yo. Keyeyê ke şîyî cayê operasyonî fotografê meyîtan vetî. Fotografan de yeno vînayene ke meyîtî helisyayî.’’
