KJAR semedê cinîyan ê êzidî û afganan do Koln de konferans bikero
Têgêrayîşê cinîyan ê Rojhelatê Kurdîstanî KJAR semedê paştdayîşê kampanyaya KJKyî ya ke semedê cinîyan ê êzidî û afganan dîyaye destpêkerdene, roja şemeyî do Koln de konferans bikero.
Koordînasyonê KJKyî bi wesîleya serrgêra 3ê Tebexe Qirkerdişê Şingalî û 15ê tebaxe ke Talîbanî îqtîdarê Afganîstanî fîna dest, bi sloganê ''Vera hêrişanê camêrdan ê hegemonî ma cayê cinîyan ê Şingal û Afganîstan de yê'' kampanya dayebî destpêkerdene. Civaka Jinên Azad a Rojhilatê Kurdistanê (KJAR) semedê paştdayîşê kamnpanya bajarê Kolnî yê Almanya de konferans organîze keno.
Berpisîyara Têgêrayîşê Cinîyan ê Azadîwaştoxan Tamna Zaryab Periani, Temsilkara Sîwana Meclîsên Jinên Êzidî-SMJÊ Mecbure Oba û Rojnameger û Aktîvîsta Heqanê Merdiman Roza Sabet do sey qiseykerdoxan tewrê konferansî bibê. Yewno pawitene ke do zaf cinîyî tewrê konferansî bibê.
Konferanso ke do Allerweltshaus de bêro kerdene adresê ci wina yo: Geisselstrasse 3-5, 50823 Köln
