Koordînasyonê KJKyî bi eşkerayîyêka nuştekîye serragêrayîşê PKKyî pîroz kerd.

Eşkerayîye ra tayî cayî wina yê:

‘‘Ma sere de serragêrayîşê 40. mîmarê azadîye Rayber Apo, şehîdê ma yê ke ruhê partîya ma yê, şarê ma yo xoverdayox û hemrayê ma yê ke mewzîyan de xo ver danê înan rê pîroz kenî.

PKKYÎ ÛMIDÊ MERDIMÎYE NEWE RA GANE KERD

Partîya ma herêma neteweyî û mîyanneteweyîye de bîya name û adresê afernayişê erjê merdimîye. Partîya ma ya ke rayberîya sosyalîzmê demokratîkî kena, hemverê şeranê taybetan ê giranan ê tarîxî de payra menda û bi îradeyê xurtî mucadeleyî rê dewam kena. No semedê şar û dostanê ma xezînayêka gird a. PKK nê 40 serran de umîdê şaran newe ra gane kerd.

MA DO SERRA 41. DE BIRESÊ SERKEWTIŞANÊ GIRDAN

Bi na wesîleye ma reyna şehîdanê xo bi rêzî yad kenî û soz danê ke ma do serra 41. yê partîya ma ke ma bi coşî pêşwazî kenî de konseptê hêrişanî ke şexsê kadrayonê ma yê serkêşan de têgêrayîşê ma rê benî bi xurtkerdişê mucadeleyî pûç vejê. Ma do sey KJK vera hêrişanê ke heme hetan ra yenê xoverdayîşî gird bikerê. Serra 41. do bibo serra serkewtişî.‘‘