Koordînasyonê KJK’yî, bi wesîleya Roja Mayan eşkerayîyêka nûştekîye daye.

Eşkerayîya KJK’yî de nê ameyî vatene:

“Kulturê mayîtî yo ke erjanê demokratîkan, seypêyîye, azadîye û cimatê kolektîfî paweno hetê heme sîstemanê serdest û dewletperweran ra rastê hêrişan ameyo. Sîstemê kapîtalîstî yê ewroyênî de cinî sey şahbanûyêka meta amîya mulkkerdene û eşyakerdene, nê prosesi de kulturê cinî maye, ardişê dinya yo pîroz yê cinî û serkêşîya aye yo cimatkî ameyê peygoşkerdene û sey versîyêk ca ameyê verdayene.

Erdogano Faşîst bi Çimsûrî Hêrişê Mayan Keno

Tirkîya ma ya ewroyêne ya AKP û Erdoganê faşîstî de sazîya mayîtîye û kulturê mayîtî sey çîyêk ke dewlete rê xizmet kena û seba bekaya dewlete domanan ana dinya yena ercnayene. Meyîtê Taybet ana yo ke nêame verdayene wedarîyo û bi hewteyan kuçe de mend, mayê ke bi serran o domananê xo yê vînîbîyayeyan dima şinê erd ra ameyî kaşkerdene, şexsê Ûgûr Kaymazî yo ke 12 serrîya xo de bi 13 guletan ame kiştene bi cezayan mayê nê domanan ameyî cezakerdene, mayê ke emrê înan 90 serre yo la zîndanan de ameyê tepiştene, sey nînan bi seyan nimûneyî estê ke na rastî ramojnenê. Ma heme mayanê xo ke prosesê mucadeleyî de ca girewto bi hurmet silam kenê û vanê ke ma peyrewê rayîrê înan ê ke înan bi rîyê xo yê roşinî rayîrê ma kerdo roşin.

Mexmelsipîyî Faşîzmî Tersnenê

Ewro sey rîyo sipî û roşin ê cimatî “entellektuelê mexmelsipîyî” seba ke vengê grevanê vêşanîye yê ke 6 mengî yo dewam kenê biresnê dinya û domananê xo mergî ra bixelesnê fedekarîye kenê, la nê mayî hetê AKP’yê faşîstî û şefê ci Erdoganî ra yenê hedefgirewtene.

Hesreta mayan a cuya azade û umîdê înan benê sebeb ke mayî nikayî qezenc bikerê, organize bikerê û nika edaletî bica bîyarê. Na yewe ra nê mayî tena seba domananê xo xover nêdanê, ê seba nika û ameyoxê cimatî bixelesîyo rolê xo yê tarîxîyî kay kenê.

Ganî Mayî Çi Rey Tena Nêrê Verdayene

Do fedakarî û keda mayanê ma çi rey veng a nêşiro. Sereyê mayan berz o, xoverdayîşê înan ê anorî tena nêyo. Laj û keynayî yê ke nê xoverdayîşê mayan ê pîlî ra hêz gênê ganî çi rey înan tena nêverdê û tewrê pîlanê cimatî yê qedîman bibê û xoverdayîşê cimatkîyî hîna bikerê xurt.

Nê bingeyî de cewabo tewr pîl yo ke ma bieşkê bidê roja mayan no yo ke ma xoverdayîşî hîna bikerê xurt û hêzê pîya awankerdişê cuya azade vejê werte. Ma destê pîrozan ê mayanê ke bi xoverdayîşî cuye pawenê maç kenê û sey abîdeyê pîrozîye rayîrê înan ser o şinê û sey neferêkê mucadeleyê înan ma vanê ke ma do heta peynî mucadele bikerê û mucadeleyî hîna bikerê pîl.