Koordînasyonê KJKyî bi wesîleya serrgêra Komployê 9ê Teşrîna Verêne ya 1998î eşkerayîyêke weşanaye. Eşkerayîye wina ya:

''Rayber Apo 9ê teşrîna verêne ya 1998î bi zorî Rojhelatê Mîyanênî ra ame vetene û bi nê hawayî prosesê komployî dest pêkerd. Ma hê dekewenê serra 27ine ya komployî. Ma pêro dewlet, kom û kesayetanê ke komplo de cagirewto bi şîdetî şermezar kenê.

Ma embaz M. Halît Oralo ke bi şîarê 'Şima nêeşkenê tîja ma tarî bikerê' bedenê xo dabi adirî ver yad kenê. Ey xeta têkoşînê vera komployî dîyar kerd. Ma şexsê Rotinda (Aynur Artan), Kurdê (Selamet Menteş), Serdar Ari, Ebu Muslum Dogan, Viyan Karox, Derwêş, Mazlum, Rojbin Amanos, Evrim Demir, Zinar Raperin, Êrîş, Andok, Mustafa Malçok, Sara, Ruken, Rojhat, Erdallaran de pêro şehîdanê çalakîya 'Şima nêeşkenê tîja ma tarî bikerê' bi rêz û minetî yad kenê. Ma soz danê ke serra 27ine de têkoşînê înan pîlêr bikerê.

Kurdîstan de xeta Rayberîye ya tewr esase xeta azadîya cinîyan a. Rayber Apoyî seba xorinkerdiş û averberdişê na xete zaf kede daye, Îmrali de zî seba averberdişê na xete xebitîya. Bi nê hişmendî ma sey cinîyan ê kurdan û Rojhelatê Mîyanênî têkoşînê azadîye berz kenê. Ameyêne armanc kerdene ke bi komployî verê têkoşînê Rayber Apoyî bêro girewtene. La Rayber Apoyî bi paradîgmaya xo verê şerkerdişê şaran û kolonyalîzmî girewt. Rayber Apoyî bi paradîgmaya xo ya neteweya demokratîye tarîtîya Rojhelatê Mîyanênî parçe kerde, hêvîyêka newîye daye cinîyani şaran û bindestan.

Ewro Rojhelato Mîyanên merkezê Şerê Dinya yê Hîrêyînî yo. Her roje bi seyan merdimî yenê qetilkerdene. La paradîgmaya Rayber Apoyî ra nêbîyêne her roje hîna zaf merdimî do qetil bîyêne, hêrişê emperyalî bizêdîyayêne. 

Rayber Apo fîlozofêko winayên o. Coka pêro dinya de fîlozofî, sîyasetmedarî, ekolojîstî, cinîyî seba azadîya Rayber Apoyî xebatan kenê. Hemleya 'Rayber Apoyî rê Azadîye, Meseleya Kurdan rê Çareserîye' vera beno pîlêr. Na hemle serkêşîya cinîyan de bîya dîyarker. Pêro cinîyê dinya bi çalakîyanê xo komplo pûç kenê. Erkê cinîyan o ke embazîya sexte û kêma ke bîya sebebê komployî zî rexne bikerê.

Hemleya Azadîye serkêşîya cinîyan de bi şîarê 'Jin, Jiyan, Azadî reyde ver bi Şorişê Cinîyan' xorin bîye, çalakîyî zêdîyayî. Nê çalakîyî hem bîyî waştişê azadîya Rayber Apoyî hem zî kombîyayîşê cinîyan.Ganî nê çalakîyî bêrê pîlkerdene, sere de Amerîka û Brîtanya bi nê çalakîyan hêzê komplogerî bêrê acîzkerdene. PDKyo ke komplo de cagirewtbi ewro ancî mîyanê îxanetî de yo. La cinî û şarî do nê îxanetî xo vîr a nêkerê.

Tewr zaf  gerîlayê HPG û YJA-Starî vera komployî hemle de cagênê. Tewirê gerîlayan ê rûmetênî reyde xeta îxanetî ya PDKyî do mîyanê tarîtîya tarîxî de bimana. Ganî cinîyî hîna zaf vera na xete tewirê xo bimojnê. Eke raştîya PDKyî eşkera biba lingê Kurdîstanî yê komployî do bêro birnayene.

Wayîrvejîyayîşê çalakîyanê 'Şima nêeşkenê tîja ma tarî bikerê' yeno manaya têkoşînê seba azadîya Rayber Apoyî. Vervejîyayîşê komplogeran yeno manaya wayîrvejîyayîşê xeta azadîya cinîyan. Vervejîyayîşê PDKyî yeno manaya caardişê şertanê cuya azade. 

Pûçkerdişê Komployê Mîyanneteweyî verê qirkerdişanê pîlan girewt. La seba ke Rayberîya ma binê tecrîdî de yo krîzê Rojhelatê Mîyanênî mende yenê verdayene. Çareserîya krîzanê Rojhelatê Mîyanênî azadîya Rayber Apoyî de ya. Coka ma sere de pêro cinîyan venga pêro şaran, ciwanan, şarê ma danê ke çalakîyanê xo bizêdînê, bi coşî tewrê pêro çalakîyan bibê, vera xeta faşîste ya netewa dewlete xeta demokratîke pîlêr bikerê û bi na hişmendî sîstemê komelkîyî awan bikerê.

Şima nêeşkenê tîja ma tarî bikerê!

Komplogerî do bin bikewê, azadîye do ser bikewa!

Bijî Rêber Apo”