Platformê Cinîyan ê 25ê Teşrîna Peyêne bi şîarê ''Ma vera şîdetê camêrdan kuçeyan de yê'' Kadikoyê Îstanbulî de rayraşîyayîş kerd.

Cinîyan çalakîye de pankartî akerdî û sloganî vatî. Çalakîye de ame parekerdene ke felate bi têkoşînê cinîyan ê hemparî mumkîn o. Cinîyan çalakîye de tim sloganê sey ''Jin Jiyan Azadî'' ard ziwan.

Nazli Andan eşkerayîye daye û vat: ''Seba cuyêka azade û têdûşte ganî ma têkoşîn bikerê. Cinîyî vera cînayetan vengê xo berz kenê û vejîyenê waran. Roja Têkoşînê Vera Şîderê Serê Cinîyan a 25ê Teşrîna Peyêne de, ma do vengê xo, hêrsê xo û hesreta xo seba azadî û têdûştîye berz bikerê. Ma do a roje Meydanê Tunelî de bêrê yewca.''