Ame zanayene ke Maya Haştîye ya Mevlude Başdaşe  zîndan de rîşa merdimwere bîye. Başdaşe rixmo ke raporê ci yê ci yê se ra 86 astangdarîye zî estî  nêna veradayene.

Mewlude Başdaşa 62 serreya ke bi îdîaya tewrê çalakîya mertalê ganîyî ya  Koyê Bagokî yê pabesteyê qazaya Nisêbînî ya Mêrdînî de bîya, dima ke Teşrîna Verêna 2018 de ameye destbendkerdene, ameye tepiştene û berdene bi Zîndanê Girewte yê Şakranî yê Îzmîrî. Mevlude Başdaşa ke cezaya ci ya 4 serran û 2 mengan hetê hukmî ra ameye tasdîqkerdene, her çiqas raporê ci yê se ra 86 astangdarîye yê Nêweşxaneyê Zanîngehê Akdenîzî yê Antalya û Nêweşxaneyê Perwerde û Cigêrayîşî yê Gazî Yaşargîlî yê Amedî ra estbî zî nêna veradayene. Goreyê zanayîşanê ke keyeyê tepişte ya nêweşe Mevlude dayî, netîceyê tehlîlê ci de ame tesbîtkerdene ke Mewlude rîşa merdimwereya pişike ya.