Komeleya Rojnamegeran ê Cinîyan a Mezopotamya (MKG) bi wesîleya Roja Rojnamegeran ê Cinîyan ê Kurdan a 7ê Teşrîna Verêne eşkerayîyêke daye.

MKGyî vist vîrî ke 7ê teşrîna verêne serrgêra qetilkerdişê rojnamegere Gurbetellî Ersoz a zî û a yad kerde. MKGyî pare kerd ke Gurbetellî Ersoz rixmê tedayan zî qetî apey game nêeşta û her game aye bîya gama ronîyayîşê çapemenîya azade. 

MKGyî vat: ''Sey cinîyan ê rojnamegeran ma ewro rixmê teda, destbendkerdiş û tepiştişan zî vera ziwanê camêrdperestî xoverdayîşê xo rê dewam kenê. Rabîa Onver seba xebera xo binê tedayan de ya. La Rabîa û cinîyê kurdî do cigêrayîşê edaletî rê dewam bikerê.

Ma Gulîstane Tara û Hêro Bahadîn zî yad kenê ke bi droneyê çekdarî yê dewleta tirke ameybî qetilkerdene. Nê wirdî zî sey Gurbetellî û Nagîhane Akarsel têkoşînê çapemenîya azde de cagênê. Ma do mîrasê înan tim bipawê. Ma Nagîhane Akarsela ke 4ê teşrîna verêne ya 2022yî de Silêmanî de amebî qetilkerdene bi rêzî yad kenê. 

Ma şexsê Gurbetellî Ersoz, Nagîhan Akarsel, Gulistan Tara û Hêro Bahadîn de pêro şehîdanê çapemenîya azade bi rêzî yad kenê. Ma bi bawer ê ke do bi felsefeya 'Jin, Jiyan, Azadî' raştîye tarîtîye de nêverdê û têkoşînê xo rê dewam bikerê.

Ma sereberz ê ke 7ê teşrîna verêne ya 2023yî de MKG ronîyayo. MKG do tim seba cinîyan xebatanê xo rê dewam bikero û vengê cinîyan bido eşnawitene. Ronîyayîşê MKGyî cigêrayîşê raştîye yo.''