Morceleyê Kirmanckî 21ê sibate de, Salona Merkezê Kulturî ya Sezaî Karakoçî de ‘Şewa Kirmanckî’ do serûber bikerê. Şewe de xeylê meymanê namdarî do sehne ser de bibê.

Şewa bi şîarê ‘Sînorê ziwanê mi, sînorê dinyaya min ê’ de hunermendê zazakî Celo Boluz, Derya Cengîz, Eylul Nazlier, Xoser Rayîrwan, Wusar, Bedrîye Topaç, Omer Barasî, Îdrîs Yazar û Mem Keleş Çîçek do hunerê xo yê deyîre û şîîran pêşkêş bikerê.

Programî de ke Şaredarîya Amedî ya Şaristanê Girdî paştî dano, saete 17:30î de bi koktêylî dest pêkeno û 19:00î de zî program dest pêkeno. Şewe de şîîrê bi zazakî do biwanîyê û deyîrê bi zazakî do vajîyê.

Şaredarîya Amedî zî paştî dana şewe.

Organîzasyon logoyanê Weşanxaneyanê Vateyî, Morceleyê Kirmancî û Şaredarîya Amedî reyde ameyo parekerdene.