Koordînasyonê PAJKî bi eşkerayîyêke şehîde Bîşenge Brûsk û şehîde Sara Hogir Riha yad kerdî. 

Eşkerayîye wina ya:

''Ma serkêşanê têgêrayîşê xo yê ciwanan ê Apogîran embazanê co Bîşenge û Sara bi rêz û minetî yad kenê. 

Embaza ma Bişenge hema ciwanîya xo de dest pê cigêrayîşê azadîye kerd. A bîye milîtanêka serkêşe. Embaze Bişenege sînorê kolonyalîzmî nêşinasnayî, her cayê Kurdîstan de bi qerardarî têkoşîn kerd. A bîye serkêşa cinî, ciwanan û şarî. Embaze Bîşenge mîyanê têgêrayîşê cinîyan ê Kurdîstanî de wayîra rol û mîsyonî bîye. Aye şoriş û embazanê xo ra zaf hes kerdêne. A layê coşî, sembola azadîye bîye. Seba famkerdiş û caardişê felsefeya Rayber Apoyî aye xîret kerd. Embaza ma Bîşenge rixmê emrê xo yê ciwanî zî bi xurtî na felsefe fam kerde.

Embaza ma Sara Hogir Riha serê rêçê Sakîne Cansiz de tewra têkoşînê azadîye bîye û aye heta nefesê xo yê peyênî zî mîyanê têkoşînî de cagirewt. Aye xo bi felsefeya Rayber Apoyî perwerde kerd û wina bîye serkêşêke. Embaza ma Sara sey embaze Bîşenge hesreta gerîlatîye ante û ciwanan rê gerîlatîye wesîyet kerde. Ciwanî soz danê ke seba caardişê sozê şehîdan vera torra xayînîye têbigêrê, vera faşîzmî têkoşîn bikerê û şerê şarî yê şorişgêrî bikerê.

Serkêşîya ciwanan de ma do şorişê cinîyan bîyarê ca û azadîya komelkîye bîyarê ca. Nê bingeyî ser o ma venga ciwananê Kurdîstanî danê ke qesasê embazanê ma Bîşenge û Sara bigêrê, seba ney refanê şorişî xurt bikerê û Hemleya Azadîye ser bivisnê.''