Paris û Marsilya de çalakîyê ciwanan

Aktîvîstanê JCA û TCŞyî paytextê Fransa Paris de seba azadîya Rayberê Şarê Kurdî Abdullah Ocalanî çalakîyêke kerde. Marsilya de zî ciwanî vera hêrişanê îşxalî vejîyayî meydanan.

Ciwanan paytextê Fransa Paris de seba azadîya Rayberê Şarê Kurdî Abdullah Ocalanî çalakîyêke kerde. Marsilya de zî ciwanî vera hêrişanê îşxalî vejîyayî meydanan.

Aktîvîstanê Cinîyan ê Ciwanan ê Azadan (JCA) û Têgêrayîşê Ciwanan ê Şorişgêran (TCŞ) paytextê Fransa Paris de seba Rayberê Şarê Kurdî Abdullah Ocalanî çalakîyêke kerde. Çalakîye de hêrişê îşxalî yê dewleta tirke yê vera Kurdîstanî ameyî şermezarkerdene. Ciwanan çalakîye de pankarta bi nuşteyê ''Ocalanî rê Azadîye'' û alaya pîle ya PKKyî akerdî. Çalakîye de vilawekî ameyî vilakerdene.

Aktîvîstanê Têgêrayîşê Ciwanan ê Şorişgêran zî şaristanê Marsilya yê Fransa de çalakîyêka sivîle kerde. Çalakîye de hêrişê dewleta tirke yê vera Başûrê Kurdîstanî ameyî şermezarkerdene û pankarta b nuşteyê ''Ocalanî rê azadî, Kurdîstanî rê statu'', alayê PKK, YPG, YPJ û TCŞyî ameyî berzkerdene.

Çalakîye de sloganê sey ''Terorîst Erdogan'', ''Kiştox Erdogan Kurdîstanî ra def be'' ameyî vatene û vilawekî ameyî vilakerdene.