7ê nîsane 2025î de şaristanê Silêmanî yê Başûrê Kurdîstanî de, bi beşdarîya temsîlkaranê 24 rêxistin û dezgehanê cinîyan kombîyayîşêk kerdibi û Platformê Yewîya Cinîyan ê Kurdan ronîyabi. Netîcenameyê kombîyayîşî ame eşkerakerdene.

Netîcename de ame vatene ke seba cinîyan ê kurdan yewîya neteweyîye yena manaya azadîye û rûmetî. Netîcename de wina ame vatene: ‘’Kurdîstan binê îşxalî de yo û bedenê cinîyan ê kurdan zî binê îşxalî de yo. Seba cinîyan çareserîya wedaritişê sebebanê şîdet û koletîye yewîya ma ya. Yewîya neteweyîye seba ma têkoşînê azadîye yo.

Nê bingeyî ser o ma 7ê nîsane de kom bîyî û nîqaş kerd ke senî yewîya xo awan bikerê. Ma bire daye ke serre parçeyêkê Kurdîstanî de Festîvala Cinîyan ê Kurdan do bikerê, yewîya neteweyîye her warî de aver berê., Konferansê Yewîya Cinîyan ê Kurdan bikerê û Platformê Yewîya Cinîyan ê Kurdan awan bikerê.

Ma sey Platformê Yewîya Cinîyan ê Kurdan venga pêro cinîyan danê ke beşdarê ma bibê, ma pîya yewîya neteweyîye awan bikerê. Eke ma yewîya xo awan bikerê Kurdîstanê Azadî û statuyê cinîyan ê azadan zî awan bikerê.

Ma venga pêro partî û rêxistinanê Kurdîstanî zî danê ke şima zî yew bibê û seba yewîye têbigêrê.’’

Nê dezgeh, rêxistin û partîyî mîyanê platformî de cagênê:

Yekîtî Niştîmanî Kurdistan YNK
Yekîtiya Jinên Kurdistan
Rêxrawî Xuşkanî Îslamî Kurdistan
Kongra Star
Tevgera Jinên Azad TJA
Partîya Yekîtîya Demokrat PYD
Komisyona Jin a KNK
Tevgera Goran
Partîya Demokrasî û Wekhevîya Gelan DEM
Partîya Herêmên Demokratîk DBP
Rêxirawî Jinanî Zexmetkêşanî Kurdistan
Hizbi Şûî
Hizbi Sosyalist
PDS
Lîderên Aşitiyê
Tevgera Jinên Êzdî TAJÊ
Bûroya El Wahdé
Komeley Afratanî Kurdistan
Tevgera Jinên Kurd a Ewrûpa TJK-E
Rêxirewî Peywendîyên Jinên Kurd REPAK
Şepêla Pêşeroja Kurdistan
Partiya Yekîtiya Demokrat a Kurd li Suriyê
Partîya mirov û Azadîyê PİA
Komelgeha Jinên Azad ya Rojhilatê Kurdistan KJAR