Rojnameger Mahsun Saglam protestokerdişê qetilkerdişê Nazim Daştan û Cîhane Bîlgîn de pa 7 rojnamegeran bi îşkenceyî amebi destbendkerdene û hetê polîsan ra bi 'torbaya çeqere' amebi gefwerdene. Saglamo ke bi şertê kontrolê edlîyî vera dîyayo ANFyî rê qisey kerd.

Xebatkarê Rojnameyê Yeni Yaşamî Mahsun Saglamî da zanayene ke Şîşhane de çalakîya înan ra ver polîsan dorme girewto û bi hawayêkê keyfîyî û bi îşkenceyî ê destbend kerdê. Saglamî vat: ''Polîsan hêrişê ma kerd. Wesayîtanê xo de polîsn bi saetan ma sey kelemçekerdeyan verdayî, bi torbayanê çeqeran yanî bi torbayanê cesedan ma tehdît kerdî. Ma vera ney nêrazîbîyayîşê xo mojna.

Nê torbayê çeqerî zî sey Torosan 1990an de şuxilîyayêne. No gefê kiştişî bi eşkerayî yeno werdene. Bi nê hawayî ê wazenê ke rojnamegeran bitersnê. Coka embazê ma yê rojnamegerî yenê hedefkerdene. Bi astengkerdişê heqê protestokerdişî, bi destbendkerdişî û bi tepiştişî xîret kenê ke raştîyan binimnê. Ê nêeşkenê bi torbayanê çeqeran ma bitersnê. Çapemenîya azade do bêveng nêba. Qelema ma destbendkerdiş û gefan ra xurtêr a.''