Têgêrayîşê Cinîyan ê Kurdan ê Ewropa (TJK-E) serrgêra şeşine ya kişîyayîşê hîrê cinîyan ê şorişgêran ê Kurdan Sakîne Cansize, Fîdan Dogane û Leyla Şaylemeze de eşkerayîyêk daye Fransa ra waşt ke wa berpirsîyarîya xo bica biyaro û kiştoxan vejo werte.

Eşkerayî de nê ameyî vatene:

“Tarîxê 9ê Çile yo ke hîrê cinîyê şorişgêrî yê Kurdan Sakîne Cansize, Fîdan Dogane û Leyla Şaylemeze paytextê Fransa Parîs de ameyî qetilkerdene, seba Kurdan dejo gird o û rojeka sîya ya.

6 serrî yo ke şarê Kurdî û dostê înan seba eşkerabîyayîşê qirkerdişê Parîsî payra yo. Seba ke raştî vejîyo meydan û sûcdarî ceza bigîrê şarê Kurdî bi çalakîyan tim meydanan de yo. Heta ke kiştoxî bêrî cezakerdene do mucadeleyê ma dewam bikero.

Ma sey cinîyê Kurdî vanê no hêrişo ke hemverê hemrayanê ma Sakîne Cansize, Fîdan Dogane û Leyla Şaylemeze ameyo viraştene eslê xo de hemverê heme cinîyan de ameyo viraştene. Ê cinîya azade ra tersenê. Kerdoxî bewlî yê, çîyo ke ganî bêro kerdene bicaardişê edaletî yo. Ma tim vat ke ma do qirkerdişê Parîsî ra hesab bipersê.

Xoverdayîşo ke hemraye Sakîne Zîndanê Amedî de dayêne ewro Leyla Guvene heman zîndanî de dana dewamkerdene. Çalakîya ke bi waştişê wedartişê tecrîdê serê Rayberê Şarê Kurdî Abdullah Ocalanî yena viraştene çend şino gird bena. Waştişê Guvene watişê ma cinîyan ê Kurdan o. Ma çalakwananê grevê vêşanîye silam kenî û mucaleyê înan rê wayîr vejîyenê.

Ma veng danê heme cinîyan ê ke azadî û seypêyîye ra bawer kenê wa mucadeleyê ma rê paştî bidê. Ma veng danê her kesî ke seba girdkerdişê xoverdayîşî wa tewrê çalakîya Parîsî ya 12ê Çile bibî.''