Parlamentera Partîya Şaran a Demokratîke (HDP) ya Amedî Remzîye Tosûne ke 17‘ Nîsane de hêrişê polîsan de birîndar bîyebî û bi rojan nêweşxane de ameyebî dermankerdene derheqê polîtîkaya herişkare ya îqtîdarî de qisey kerde.

Tosûne hêrişî sey pabesteyê tecrîdî hesibnayî û va: ‘‘Riyê polîtîkaya îqtîdarî ya xelete ra nê qewimîyayîşî talî yenê ciwîyayene. Rayberîya Parlamentera ma Leyla Guvene de bi aşmano bi waştişê tecrîdî grevê vêşanîye yenê domnayene. La îktîdar nê çalakîyan nêvîneno û çend şino vera HDP’yî hêrişanê xo zêdîneno.‘‘

Laçigê Sipîyî Şeran Açernenê Aşitîye

Tosûne bale ante serê hêrişê vera cinîyan û va: ‘‘Ma zanê ke dewlete senî vengê cinîyan ra tersena. Coka  hêrişê cinîyan kena.  Dayîkê ke wayîrê qijanê xo vejîyenê û sere wedarenê hêrişê înan kenê. Esasî de vera leçekanê spîyan hêrişêk esto.  Hêrişê ke Gebze û cayanê bînan de Dayîkanê Aşitîye rê bîyî taployê şermî yê Tirkîye yo. Dayîkê mucadele kenê ke wa qijê înan memirê. Her çalakîya ke dayîkêk semedê vernîgirewtişê mergê qijanê xo virazena meşrû ya.  Dewlete xoverdayîşê dayîkan ê cuye ra tersena. Tarîxî de cinîyan bi tîlîlî û laçiganê xo yê sipîyan dewayê qonî vindarnayene û pêrodayîşî açarnayêne aşitîye. La îqtîdar ne cinîyan ne laçiganê spîyan nas keno. Ma dayîkî seba ke ganan bidê ciwîyayene ma leçekan û ganê xo zî erzenê meydan. Heta ke waştişê qijanê berê ca ma do  xoverdayîşê  rê dewam bikero.‘‘