Tuncele û Irmake dest bi grevê vêşanîye yê bêdem û bêdore kenê
Hemsereka pêroyî ya DBPyî Sebahat Tuncele û parlamentera HDPyî ya verêne Selma Irmake yê ke hetê AKPyî ra esîr ameyê girewtene ewro kewenê grevê vêşanîye yê bêdem û bêdore.
Hemsereka KCDyî û parlamentera HDPyî Leyla Guvene seba ke bale bianco tecrîdê Rayberê Şarê Kurdî Abdullah Ocalanî ser 69 rojî yo ke grevê vêşanîye de ya û Tuncele û Irmake zî bi yew beyanatî dest bi grevê vêşanîye kerd. Tuncele û Irmake, Hepisxaneyê Kandira de yenê girewtene.
Tuncele û Irmake beyanatê xo de wina va:
"Hevala ma Leyla Guvene 69 rojî yo ke grevê vêşanîye yê bêwext û bêdore de ya û pêroyê hepisxaneyan de grev, bi beşdarîya kesanê neweyan her ke şono beno hîra. Talebê Leyla Guvene sexsî nîyo, talebêko komelkî yo. Talebê Kurdan, talebê waştoxanê demokrasî, aşitî û azadîye yo. Talebê mîlyonan kesan o. Pêvînayîşo ke mabenê birêz Ocalan û birayê ey de ameyo kerdene helbet muhîm o. Labelê no nêno o mana ke tecrîd û îzolasyon qedîyayo. Seba ke tecrîd û îzolasyon binê ra bêro qutkerdene, ma zî 15ê Çile de dest bi çalakîya grevê vêşanîye yê bêdem û bêdore kenîme. Ma venga pêroyê hêzanê demokrasî danîme ke wa paştdarîye bidê talebanê çalakwananê grevê vêşanîye."
