Besma Akinciya 27 serre 14ê nîsana 2020î de hetê camêrd Cemal Akinciyî ra şaristanê Hildesheimî yê Almanya de bi çeke amebî qetilkerdene. Besmaya ke dadîya hîrê domanan bîye, keyeyêkê kurdê êzidîyî ra bîye. Kiştoxê Besma wextêk tepişte mend la dima vera dîya.

Kiştox Cemal Akinci 5 mengan ra dima bi bira Dozgerîya Gottingenî vera dîya. Ey îdîa kerd ke bi qezayî Besma kişta. Çeleyê 2021î ra nata Mehkemeya Eyaletî ya Gottingenî de mehkemeya Akinciyî dewam kena. Waya Besma Suade Îsmaîl Xelîl seba muhakemekerdişê edîlî kampanyaya îmzayan dabî destpêkerdene. Xelîle ard ziwan ke muhakemekerdiş ho qedîyeno û waşt ke qetilkerdişê waya ci sey 'kiştişê cinîye' (feminicid) bêro qebulkerdene.

Suade Îsmaîl pare kerd ke Cemal Akinciyî bi serran waya ci rê şîdet kerdo rixmê ney zî vera dîyayo.

Kesê ke wazenê eşkenê nê lînkî ser ra paştî bidê kampanya: