Endamanê Meclîsê Wendekaranê Demokratîkan ê Zanîngehê Munzurî bi çalakîyêke aqîbetê Gulîstane Dokuya ke 3 serrî yo tira xeberêke çin a, persayî.

Wendekaran bînayêka zanîngehî ser de pankarta 'Ma Gulîstane Doku xo vîr a nêkenê, do nêdê vîrakerdene' akerde.

Wendekaran werdxaneyê zanîngehî de zî pê sîstemê vengî lawîkê dadîya Gulîstane dayî goşdarîkerdene.

Wendekaran sloganê sey 'Gulîstane Doku kamca de ya?' û 'Jin, Jiyan, Azadî' vatî û seba ke Gulîstane ra 3 serrî yo xeberêke nêna girewtene rewşe protesto kerde.