YJKE eşkerayîyêka nuştekîye weşanayene û bale ante serê grevê vêşanîye û rojeyê mergî yê vera tecrîdkerdişê Rayberê Şarê Kurdî Abdullah Ocalanî. Eşkerayîye de ame vatene, “30 tepişte yê Kurd ê şorişgêrî grevê vêşanîye açarna rojeyê mergî û bi nê hawayî xoverdayîş rest merheleya newîye.”

YJKE bale ante serê rewşa weşîye ya xoverdayoxan û vat, “Dayîkê Kurdî seba ke domanê înan nêmirê her roje vernîya hepisxaneyan de xo ver ro danê, labelê benê hedefê hêrişanê faşîzmî û erd ra yenê kaşkerdene. Dezgehê mîyanneteweyî zî vera nê hemeyan hîna bêveng ê. CPT yo ke dereceya yewine ra çareserkerdişê binpankerdişê heqanê merdimana ê hepisxaneynan ra berpirsîyar o, Rêxistina Efû ya Mîyanneteweyî û Konseya Ewropa ganî cade bikewê mîyanê têgêrayîşî. Bêvengîya dezgehanê ke estê, seba cinîyan ê Kurdan û şarê Kurdî ma kenê biqesawet.”

YJKE peynîya eşkerayîya de veng da û vat, “ Nê bingeyî ser o ma vengdayîş bi heme cinîyan, şarê xo, merdimanê sosyalîst û wayîrê wijdanî, vengdayîş bi her kesî kenê ke seba azadîye roja Şemeyî saete 10:00 de bajarê Dusseldorfî yê Almanya de tewrê ‘rêzila merdimî’ bibê. Seke dayîkî zî vanê; ma do bi xoverdayîşî ser bikewê. Têkoşîno hempar ê cinîyan û şaran do ser bikewo.”