Fermandarîya Pêroyî ya Yewîyanê Pawitişî yê Cinîyan (YPJ) derheqê hêrişê çeteyanê dewleta tirke yê vera Rojawanî de eşkerayîye daye. Ekerayîye de ame vatene ke muameleyo wehşî yo ke Heleb û Şehba de vera esîran ê cinîyan ame kerdene hesabê ci do bêro persayene.

Eşkerayîye de nê ameyî vatene: ''Vera hêrişanê îşxalkeran têkoşîno xurt yeno rayraberdene. Bitaybetî Şehba û Heleb de sere de cinîyî şarê ma vera nê hêrişan xoverdayîşo gird keno. Şarê ma yê Şêxmeqsud û Eşrefiye xopawitişê xo rêxistine keno û xover dano. Bêşik şer zafhetin û bi tewirêkê zehmetî dewam keno.

Hêzanê Pawitişî yê Şêxmeqsûdî ra xeylê cinî û camêrdî esîr kewtî destê çeteyan. Nê çeteyê wehşîyê ke ehleq û huqûqê şerî nêzanê vera esîran ê cinîyan îşkenceyê giran ê bêehleqî kenê. Hêrsê xo yê vera cinîyan bi vatişê 'ma do reyna to bazar de biroşê' anê ziwan. Nê kerdişî teberê merdimîye yê û qetî nînê qebulkerdene.

Berpirsîyarê nê kerdişan dewleta tirke ya. Ma do qesasê nê kerdişan bigîrê. Ma veng danê rêxistinanê heqanê cinîyan û merdiman ke wa nê cinîyan bipawê ke gama ke taxe û bajarê xo pawêtene ameyî esîrgirewtene. Ma veng danê heme cinîyan ê ciwanan ke wa tewrê refanê YPJyî bibê. Ma têna bi xoverdayîşî eşkenê herra xo bipawê.''