Fermandaranê YPJyî ra Avaşîne Zagros derheqê îşxalê vera Efrînî  de qisey kerd.

Zagrose vist vîrî ke hêzanê YPJ û YPGyî û şarê Efrînî vera hêrişê  îşxalî yê vera Efrînî senî têkoşîno pîl da û vat: ''Nê xoverdayîşî de xeylêk embazê ma şehîd bîyî. Dewleta tirka îşxalkere nufusê Efrînî ra zafêr çeteyî ardî û pê çekenê giranan hêriş kerdî. Cinî, doman û extîyarî cîya nêkerdî, barbarkî hêriş kerd. Qet sebebêko biheq ê nê hêrişan çînêbi. Xora nê hêrişî pê paşta hêzanê hegemonîkan ameyî kerdene. Reyna zî gereka heme rayapêroyîya dinya vera nayî bivindertêne.''

Zagrose polîtîkaya tecawuzî ya ke dewleta tirke û çeteyanê ci Efrîn de vera cinîyan benê rayraberdene arde vîrî û vat: ''Heme dinya nêvînayîşî ra bêro zî 3 serran ra  nata Efrîn de dewleta tirka îşxalkere û çeteyê ci vera cinîyan sûcê tecawuzî kenê. Her roje cinîyî yenê remnayene û raştê tecawuzî yenê. Cinîyî yenê hepskerdene û mirênayene. Binê nameyê perwerdeyî de zîhnîyeto faşîst û îşxalker bi ziwanê tirkî domanan rê yeno musnayene. Ziwan û kulturê Efrînî yeno înkarkerdene her çî goreyê waştişê tirkan yeno caardene.''

Avaşîne Zagros qiseykerdişê xo pê nêvatişan qedîna: ''Ma do Efrînî qetî azad bikero. Ma do Efrînî îşxalkeran rê meverdê. Senî ke ma pîya bi şarê xo pê hezê xo yê safî vera hêrişan şer kerd, ma do pê eynî ruh û qerardarîye xover bidê. Ma senî ke pîya bi şarê xo şoriş kerd û ma senî pîya cinîyê êzidîyî destê çeteyanê DAÎŞî ra xelisnayî ma do welatê xo zî wîna îşxalkeran ra bixelisnê û peynîya îşxalî bîyarê. Ma sey hêzanê YPJyî tim şer de serkêşîya şarî kerd. Ma do şerê azadkerdişê Efrîn, Serêkanîye û Girê Sipî zî wina bikerê. Peynî ra tewr peynî do dewleta tirka faşîst  vera xoverdayîşê ma vîn bikero.