‘1’ê Gulane de ma azadîya Rayber Apoyî biqîrê’

Xoverdayoxanê grevê vêşanîye yê Strasbourgî peyamêk weşana. Peyam de ame vatene ke ganî 1’ê Gulane de her kes azadîya Rayber Apoyî biqîro.

Seba wedartişê tecrîdê serê Rayberê Şarê Kurdî Abdullah Ocalanî bajarê Strasbourgî yê Fransa de 14 çalakwanî 135 rojî yo ke grevê vêşanîye yê bêdem û bêagêrayîşî de yê. Serê nameyê Komîteya Amadekare ya çalakîye de peyamêk ame weşanayene û ame vatene ke ganî 1’ê Gulane de pîya bi şaranê dinya mucadeleyêko hempar bêro dayene.

Çalkawanan ra Yuksel Koçî (hemserekê KCDK-E’yî) vat, “Ez sere de 1’ê Gulane Rayber Apoyî rê û heme kedkaran rê pîroz kena. Ganî heme bindestî karker û kedkaran dir 1’ê Gulane de mucadeleyê xo bikerê yew. Ma serê nameyê heme xoverdayoxanê Strasbourgî de vanê ke ganî 1’ê Gulane de azadîya Rayber Apoyî bêro qîrayene.”

Endama Komîteya Amadekare Şukran Sîncare zî nê vatî, “1’ê Gulane roşanê heme karker, kedkar û sosyalîstan o. Naye ra 1’ê Gulane de ganî hemverê heme kewteyan mucadeleyêk bêro kerdene û xoverdayîşêko hempar bêro awankerdene. Ganî hemverê faşîzmê AKP-MHP’yî de heme kedkarî bibê yew. Ez 1’ê Gulane heme karker û kedkaran rê pîroz kena.”