Rayraşîyayîşê seba şermezarkerdişê Komployê Mîyanneteweyî û seba azadîya Rayberê Şarê Kurdî semedê erdlerzî ra amebi taloqkerdene.  Rayraşîyayîş 15ê nîsane de şaristanê Dusseldorfî yê Almanya de do bêro kerdene.

Rayraşîyayîş li Friedrich-Ebert-Str. 34-38, Dusseldorf de do dest pêbikero. Sîyasetmedar, cinî, ciwan û kesayetanê cîyayan venga şarî da ke 15ê nîsane de tewrê rayraşîyayîşê Dusseldorfî bibo.

Serekê CÎKî Hafiz Ahmet Turhalliyî bale ante girîngîya azadîya Rayberê Şarê Kurdî Abdullah Ocalanî ser û vat: ''Seba ke şarê kurdî heqanê xo bivisno destî û haştîye bêra ganî ma tewrê nê rayraşîyayîşî bibê.''

Sîyasetmedar Faysal Yildizî zî vist vîrî ke 2 mengî yo Rayberê Şarê Kurdî Abdullah Ocalanî ra xeberêke nêna girewtene û vat: ''Seba azadîya Rayber Apoyî û statuyê Kurdistanî ma Dusseldorf de bibê.''