17 ciwanan, seba ke tecrîdê serê Rayberê Şarê Kurdî Abdullah Ocalanî û CPT’yî protesto bikerê, awanîya Konseya Ewropa de çalakîye viraştebî. Nê 17 ciwanan rê, seba ke zerar dayo awanîye cezaya hepisî ameye birnayene.
17 ciwananê ke seva bêvengîya vera tecrîdê serê Ocalanî CPT’yî protesto kerdbi rê cezaya hepisî ameye birnayene.
Dewa roja Pancşeme, Strasbourg de ameye dîyayene û 3 kesan rê cezaya girane ameye birnayene. Nê ciwanan ra yew sey organîzatorê çalakîye ame hesîbnayene û di kesanê binan rê zî seba ke zerar dayo awanîye û vera polîsan vejîyê ceza ameya birnayene.
Mehkeme nêzdîyê 9 saetan dewam kerde. 3 kesan rê 1 serre cezaya hepisî ame dayene û kesanê binan rê zî 1 serre ra heta 6 mengî cezayî ameyî birnayene.
Ciwanî pêro serbest ameyî veredayene û bi îxtîmalo pîl, ciwanî do Almanya de cezayanê xo biancê. Ciwanan ra yew hemwelatijê Fransa yo û ê bînî pêro hemwelatijê Almanya yê.
Reyna taxrîbato ke awanîya Konseya Ewropa de ameyo viraştene do bi şîrigkî bêro tazmînkerdene. Konseya Ewropa îdîa kerd ke 296 hezar Euro zerar ameyo tespîtkerdene. Dozgerîye waşt ke 1 serre ra heta 18 mengan cezayê hepisî bidîyê ciwanan.
Protestoyê ciwanan 25’ê Sibate de qewimîyabi. Bi desan ciwananê Kurdan, seba ke tecrîdê serê Ocalanî protesto bikerê şîbî awanîya Konseya Ewropa ya ke CPT zî tede yo û verê CPT’yî de çalakîye viraştebî.
