Mîyanê înan de muzîsyen Esther Bejarano yo ke kampa Aûschwîtzî ya Nazîyan ra bi weşî feletîyayo zî tede 21 akademîsyen û hunermendan bi mektûbêk veng da serekwezîre Merkele. Mektûbe de ame waştene ke tecrîdê serê Ocalanî bêro wedaritene û seba nê zî Tirkîya ser o zextî bêrê kerdene.

Seba bicaardişê waştişanê grevanê vêşanîye yê ke bi serkêşîya hemsereka KCD’yî Leyla Guvene dest pêkerdî û dima ra sere de zîndananê Kurdistan û Tirkîya her cayî rê vila bîyî her ke şono paştdayîş beno vêşî. Tewr peynî de 21 akademîsyen û hunermendê ke yenê naskerdene yê Almanya bi mektûbêk veng da serekwezîre Angela Merkele.

Mektûbe de bale ancîyaye serê nê xusûsan:

“Halê weşîye yê aktîvîstanê ke kewtê grevê vêşanîye her roja ke şona hîna xirabêr bena û dereceya krîtîke ra ravêrta.

Ganî Tirkîya goreyê Peymana Heqanê Merdiman a Ewropa ke verî îmza kerdebî, tavilî tecrîdê serê Abdullah Ocalanî wedaro. Seba çareserîya problemê Kurdan dest bi prosese dîyalogî yê bi rayîrê aşitîyaneyî bikero. Heman wextî de ganî parlamenter, hemşaredar û tepişteyê muxalîfî ê ke zîndanan de yê bêrê veradayene.

Ma hukmatê Federalî ra wazenê ke zextê sîyasîyî Tirkîyaya ke mutefîka ê ya tewr nizd a ser o bikero. Heman wextî de ganî Komîteya Wezîran a Konseya Ewropa bikewo têgêrayîşî mîyan û hukmatê Tirkîya ser o zextan bikero.

Heta ke Ocalan xîtabê şarî nêkero Tirkîya de problemê Kurdan bi rayîranê aşitîyaneyan çareser nêbeno. Heta ke no problem çareser nêbo, do hewna bi hezaran kesî verê xo bidê rayîranê Ewropa û koç bikerê.”

Nameyê kesanê ke mektûbe îmza kerda wina yê:

* Muzîsyen Esther Bejarano

*Andrea Hackbarth-Rouvel, VVN-BDA Eimsbüttel

* Serekê Komeleya Nîcos Framî Arnold Schnittger

* Endamê Meclîsê Koçbberan ê Munîhî Azad Yusuf Bîngol

*Hemsereka Koma Partîya Çepe ya Eyaleta Hambûrgî Cansu Ozdemîre

* Claudîa Kîene, VVN/BdA Hambûrg

* Sereka Federal a VVN-BdA Cornelia Kerth

* Dîrektorê Enstîtûya Cigêrayîşî ya Civakîye ya Berlînî Dr. Mario Candeias

*Dr. Mûrîel González Athenas

*Dr. Uschî Grandel

*Akademîsyen Kerem Schamberger

*Aktîvîst Kersten Artus

* Vervatoxê Federalî ya Baskê Ciwanan ê Partîya Keskan Max Lucks

* Viraştoxê Fîlman Peter Ott

*Prof. Norman Paech

*Viraştoxê Fîlman Prof. Christoph Dreher

*Prof. Dr. Peter Brandt

*Prof. I.R. Reîner Dîederich

*Prof. Dr. Stephan Lessenîch

*Endamê Meclîsê Federalî yê Partîya Çepe Raul Zelik

* Kaybaz Rolf Becker