4 bajaran de çalakîyê paştdayîşê grevê vêşanîye û rojeyê mergî
Semedê baleantişê serê grevê vêşanîye û rojeyê mergî yê ke vera tecrîdê serê Rayberê Şarê Kurdî Abdullah Ocalanî yenê viraştene, Ewropa de çalakîyî dewam kenê.
Semedê baleantişê serê grevê vêşanîye û rojeyê mergî yê ke vera tecrîdê serê Rayberê Şarê Kurdî Abdullah Ocalanî yenê viraştene, Ewropa de çalakîyî dewam kenê.
Bajarê Hagen û Stuttgartî yê Almanya, bajarê Marsîlya yê Fransa û bajarê Baselî yê Swîsre de Kurdîstanijî û dostê înan vizêr zî semedê wayîrvejîyayîşê xoverdayoxanê grevê vêşanîye kuçeyan de bî.
Hagen
Bajarê Hagenî yê Almanya de hetê Meclîsê Cinîyan ê Fîdane ra çalakîyêk ameye organîzekerdene. Çalakîye de bale anciya serê rewşa xoverdayoxanê grevê vêşanîye û rojeyê mergî ya krîtîke û bêvengîya Ewropa ameye şermezarkerdene.
Stuttgart
Bajarê Stuttgartî yê Almanya de zî bi çalakîyêk tecrîdê serê Ocalanî ame şermezarkerdene û xoverdayîşê grevê vêşanîye ame silamkerdene. Çalakîya ke hetê Platformê Vera Tecrîdî Cuye ra ameye virşaştene de xeyme ameye ronayene û derheqê tecrîd û grevê vêşanîye de vilawekî ameyî vilakerdene.
Marsîlya
Bajarê Marsîlya yê Fransa de zî aktîvîstanê Têgêrayîşê Ciwanan ê Şorişgêran çalakîyêk organîze kerde. Dimayê rayraşîyayîşî ciwanî bi fotografanê xoverdayoxanê grevê vêşanîye û rojeyê mergî vernîya temsîlkarîya Parlamentoyê Ewropa yê Marsîlya de ameyî têhet û dezgehanê Ewropa ra waşt ke bêveng memanê.
Basel
Bajarê Baselî yê Swîsre de zî hetê Têgêrayîşê Ciwanan ê Şorişgêran û Komîteya Rojawanî ya Baselî ra çalakîyêk ameye viraştene. Çalakîye de xeylî vilawekî ameyî vilakerdene.