Çalakîya Strasborugî ya Fransa ya ke her roje sîyasetmedarê kurdîstanijî, ciwan, cinîyî, dezgehê bawerîyan û parçeyê Yewîya Hêzî ya Ewropa tewrê ci benê, hewteyê diyînî de ya. Çalakîkeran derheqê armacanê çalakîye de ANFyî rê qisey kerd.

Endamê Meclîsê Parisî yê Komeleya Kulturî yê Ahmet Kayayî Tansu Tekî vat: ''Vera tecrîdê Rayber Apoyî ma tîya de çalakîya nobete kenê û tewirê Ewropa yê vera tecrîdî şermezar kenê. Ma Hollanda de destbendkerdişê ciwanan zî şermezar kenê, hêrişanê kîmyewîyan ê dewleta tirke şermezar kenê. Ma  nînan qebul nekenê û ganî dewletê Ewropa zî nînan qebul nêkerê.''

Merkezê Komelê Demokratîkî yê Kurdan ê Normanya ra Şahîn Polatî vat: ''Sîstem semedo ke bêçareserîye sey çareserîye ferz keno tecrîdî giranêr keno. Ma semedo ke tecrîd wedarîyo û çareserîye bêra caardene xo ver danê.''

CDK-Fyî ra Adil Amedî vat: ''Rayber Abdullah Ocalanî ra xeberêke nêna girewteme. Dewleta tirke bi hawayêkê îlegalî ey tecrîd kena. Tecrîd resayo asta îşkenceyî. Wa pêro kurdî vera tecrîdî vengê xo vejê. Wa dewletê Ewropa û dezgehê sey CPTyî vera tecrîdê dewleta tirke bibê wayîrê tewirêkî.''

Endamê Heyva Sor Murad Demîrî vat: ''Semedo ke tecrîdê vera Rayberîye biqedo, îşxalê vera Kurdîstanî biqedo, hêrişê vera Metîna vinderê ma tîya de yê. Ma wazenê wa Ewropa vengê ma bieşnawa. La Ewropa dîrîtîye kena.''