Seba wedaritişê tecrîdê serê Rayberê Şarê Kurdî Abdullah Ocalanî bajarê Strasbourgî yê Fransa de 14 çalakwanan dest bi grevê vêşanîye kerdibî û na çalakîye roja 120’ine de zî dewam kena. 25 Adare ra nata zî çalakîyê roniştişî yenê kerdene.

Çalakîya roniştişî cayo ke merkazê Parlementoya Ewropa, Konseya Ewropa û CPT tede yê de yenê kerdene. KCDK-E û TJK-E serkêşîya çalakîyanê girseyî kenê û çalakîya ke 3 hewteyî  vernîya Konseya Ewropa de ameye viraştene, hewteyo 4. de vernîya Parlementoya Ewropa de ameye destpêkerdene.  Çalakîye hewteyêk de panc rojî do dewam bikera û xeylî welatanê Ewropa ra Kurdî beşdarê ci benê. Anonsê ke yenê kerdene de bale ancenê tecrîdê serê Ocalanî û grevê vêşanîye yê ke bi rayberîya Leyla Guvene ameyî destpêkerdene. Bi nameyê Komîteya amadekar a çalakîye Helene Dêrsime da zanayene ke, wedaritişê tecrîdî vernîya haştîye û demokrasî do a bikero. Dêrsime ard ziwan ke heta ke tecrîd bêro wedaritene ê do çalakîya xo dewam bikerê û vengdayîş tewrbîyayîşî kerd. Çalakîya roniştişî roja Îne do biqedîyo û roja Dişeme de reyna bêra destpêkerdene.