Dîrektora Îrtîbatî ya Kampanyaya Paştdayîşê Kuba ya Brîtanya Natsha Hickman ANFyî rê qisey kerd û pare kerd ke ê paştî danê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ser.

Natsha Hickman bi nê qiseyan paştî daye hemle: ''Têkoşînê hemparî yê serwerî û xoserîye de ma yewîya hempare kenê. Vera teda û bêedaletîye, ganî ma paştdayîşê mîyanneteweyîyî bikerê.  

Xoverdayîşê şarê kurdî yê seba azadîye mi rê tesîrêko xurt kerdo. Bi heman hewayî têkoşînê kubayîjan zî tesîrê bindestan keno. Her wextî ra zêdeyêr ganî nê wird têkoşînî paştî bidê pê. Ganî ma vengê xo xurt bikerê, seba dinyayêka hîna rinde pîya têbigêrê.

Kampanyaya Paştdayîşê Kuba ya Brîtanya paştî dana şarê kurdî. Seba afernayîşê ameyoxêkê rûmetên, heq, azadî û haştîye ganî ma xîretanê xo rê dewam bikerê. Heta azadîye hertim ma vajê; Abdullah Ocalanî û kurdan rê azadîye.''