Huseyîn Yildiz o ke vera tecrîdê serê Rayberê Şarê Kurdî Abdullah Ocalanî  Den Haag de kewt grevê vêşanîye roja 78’ine de yo, yê Hasbî Çakicî zî kewt roja 77’ine.

Ame vatene  ke rewşa moralê di çalakwanan zî baş a la rewşa înan a weşîye xirabêr bena. Zereyê înan dejeno. Dewqa înan her ke şina zêdetir bena.

Paytextê Îyalya Roma de zî grevê vêşanîye yê Erol Aydemîrî kewt roja 17’ine. Komîteya Kurdan zî seba paştdayîşî dest bi grevê vêşanîye yê 2 rojan kerd.

Hetê bînî ta dosta Kurdan, aktîvîste Sveva Haertere zî da zanayene ke a kewta grevê vêşanîye yê 3 rojan, senatoro verên ê Îtalyanan Gîovannî Rûsso Spnanna zî seba paştdayîşî, siba do bikewo grevê vêşanîye yê di rojan.

Dostê Kurdanê Îtalyanij ê ke tora 'Rete Kurdistanî' de yê, qerar da ke dest bi grevê vêşanîye yê biagêrayîşî bikerê.