Derheqê weçînayîşanê parlamento û Serekkomarîye yê 14ê gulane de şaristanê Stuttgartî yê Almanya de kombîyayîşêk ame kerdene. Hemserekê Rûmetî yê HDPyî Ertugrul Kurkçu, Wekîla HDPyî Bedîa Ozgokçe Ertan, Wekîla Die Linke Gokaye Akbulut û hunermend Dîyar tewrê kombîyayîşî bîyî.

Şarî zaf eleqe mojna kombîyayîşî. Dekewtişê salone de agahîyî dîyayî weçînitoxan û seba şêwirmendîye qeydî virazîyayî.

Kombîyayîş de hêverî Gokaye Akbulut qisey kerd û ard ziwan ke weçînayîşanê 14ê gulane de ê sey verî do paştî bidê HDP û Partîya Çep a Keske. Ma dewaya qefilnayîşê HDPyî şermezar kenê. Ma do çimdaran bişawê weçînayîşî. Reyna ma buroyanê xo yê Ayrıca Stuttgart, Mannheim, Karlsruhe û Baden Wurttembergî seba weçînayîşî akerde verdê.''

Ertugrul Kurkçuyî zî îfade kerd ke weçînitoxê teberê welatî do 14ê gulane de rolêkê pîlî kay bikerê û ganî pêro weçînitoxî şorê sindoqan.

Wekîla HDPyî Ertane pare kerd ke kurdan weçînayîşê verênî de awbend rijnabi û kurdî 14ê gulane de zî îqtîdarê AKP-MHPyî do birijnê. Ertane da zanayene ke teyna zereyê welatî de ney teberê welatî de zî ganî şar hêzê xo pêser bikero.

Qiseykerdişan ra dima hunermend Dîyar vejîya sehne ser.