Sîyasetmedar Lezgîn Botanî ANFyî rê tayê ercnayîşî kerdî. 

Botanî bale ante ser ke bi Vengdayîşê Haştîye û Komelê Demokratîkî yê Rayber Apoyî serebûtê neweyî qewimîyenê û ganî no proseso bifirsend bêro ercnayene.

Botanî vat: ‘’PKKyî têkoşîno çekdar qedîna. Na game seba haştîye xîretêko pîl o. Warê mîyanneteweyîyî de zî na game tesîrêko pîl awan kerd û Tirkîya de firsendê vurîyayîşî da. Kurdan xeylê fedakarîye kerde. Hinî ganî dewlete game bierza. 

Dewlete xeylê reyî wina bi nameyê haştîye prosesî dayê destpêkerdene la bi qirkerdişî nê prosesî qedîyayî. Coka normal o ke mîyanê şarî de bêbawerîye est ba. Şarê kurdî hinî haştîyêka mende wazena.’’

Botanî pare kerd ke şarê kurdî seba haştîye îrade mojna la verê ney de ziwanê dewlete hema zî tehdîtwarî yo. Botanî vat: ‘’Ziwanê medya jehrîn o, ziwanê dewlete bi gefan dekerde yo. No nêno qebulkerdene. Bi eşkerayîyanê sembolîkan nêbeno. Ganî Meclîs mesuldarîya nê prosesî bigêro xo ser. Şarê kurdî her wextî ra xurtêr o.. Ganî no firsend bi karanê dîplomatîkan hol bêro şuxilnayene.’’