Şewa paştdayîşî ya seba rojnameyê Yeni Ozgur Politika 10ê kanûne de London de do bêra kerdene. Şewa paştdayîşî Salona Dawetî yê London Prensesî de do bêra kerdene û hunermendî Emekçî, Suna Alan, Koma Sersî, Koroyê Firaz Dagî do vejîyê sehne ser. Sîyasetmedar Osman Baydemîr zî do şewe de qisey bikero.

Afîşê şewe her hetê vakurê Kondonî de ameyî daliqnayene. Kesê ke wazenê eşkenê Merkezê Komelê Kurdan, Federasyonê Elewîyan ê Brîtanya, GÎK-DERî û komeleyanê herêmîyan ra bîletî peyda bikerê.

Komîteya Amadekarîye pare kerd ke Yeni Ozgur Politika 16 serrî yo vengê kurdan dano eşnawitene û vat: ''Paştdayîşê bi Ozgur Politika vera faşîzmî vengê azadîye yo, vera tarîtîye vengê roşnîye yo, vera bêvengîye vengê haştîye yo. Ozgur Polîtîka bi şîarê 'raştîye ser o vindere' weşanê xo rê dewam keno, rêçê Polat, Apê Mûsa, Gurbetellî Ersoz, Halîl Uysal û Mehmet Aksoyan de raştîye temsîl keno.''

Komîte venga her kesî da ke beşdarê şewe bibo.