Seba protestokerdişê hêriş û gefanê îşxalî yê dewleta Tirkî yê vera Rojawanî û paştîdayîşê Şorişê Rojawanî çepkaranê Almanan çalakîyêk viraşte.

Çalakwanî verê rayraşîyayîşî vernîya banê Rote Flora yê Hambûrgî de ameyî têhet û mîtîngêk viraşt.

Qiseykerdişan de bale ancîyaye muhîmîya Şorişê Rojawanî ser û ame vatene ke Şorişê Rojawanî, şorişê merdimîye yo.

Çalakwanan beyraqê YPG û YPJyî akerdî û bi slogananê ‘Bicuyo paştîdayîşo şorişgêr‘, ‘Bicuyo  Rojawan û Efrîn‘ û ‘Cinî cuye azadîye‘ heta konsolosxaneyê Tirkî şîyî.

Wexto ke kortej verê Zîndanê Damtorî yo ke sîyasetmedaro Kurd Mahmut Kaya tede yo, ravêrtene slogana ‘Mahmut Kaya û heme tepişteyanê sîyasîyan rê azadîye‘ berz bîye.