Ûca şîye serdana xoverdayoxanê Den Haagî
Parlementera HDP’yî ya Êlîhî Feleknas Ûca şîye serdana Yildiz û Çakici yê ke bajarê Den Haagî yê Holanda de vera tecrîdê girankerdeyî yê serê Ocalanî grevê vêşanîye yê bêdem û bêagêrayîşî de yê.
Xoverdayîşê grevê vêşanîye yê Huseyîn Yildiz û Hasbî Çakici yê seba wedaritişê tecrîdê girankerdeyî yê serê Rayberê Şarê Kurdî Abdullah Ocalanî bajarê Den Haagî yê Holanda de amebi destpêkerdene dewam keno.
Vizêrî parlementera HDP’yî ya Êlîhî Feleknas Ûca şîye serdana her di xoverdayoxan.
Ûca serdane de qisey kerd û xoverdayoxanê grevê vêşanîye rê silam şawit. Ûca ard ziwan ke tecrîd sûcêkê merdimî yo û vat, “Wedaritişê tecrîdî, vernîya haştîya Tirkîya û Rojakewtena Mîyanêne do a bikero.”
Çakiciyî zî bale ante ser ke xoverdayîşê grevê vêşanîye bi serkêşîya Leyla Guvene dest pêkerdê.
