Grubêka aktîvîstanê Amerîkaya Latîne Berlîn de şîyî serdana çalakwananê grevê vêşanîye Cemal Kobanê, Omer Bagdur, Mele Mustafa Tuzak û Şîyar Xelîlî. Aktîvîstan paştdayîş da waştişê seba wedaritişê tecrîdkerdişê Ocalanî.
Grevê vêşanîye yê çar akîtîvîstanê Kurdan ê bêdem û bêagêrayîşo ke vera tecrîdkerdişê Ocalanî paytextê Almanya Berlîn de yeno kerdene, dewam keno.
Vizêr aktîvîstanê Amerîkaya Latîne ra grûbêk şîyî serdana çalakwananê grevê vêşanîye Cemal Kobanê, Omer Bagdur, Mele Mustafa Tuzak û Şîyar Xelîlî yê ke banê NAV-DEM'î yê Berlînî de çalakîya xo rê dewam kenê û da zanayene ke ê paştdayîş danê têkoşînê seba azadîya Ocalanî.
5 aktivîstê ke Guatemala, Peru, Şilî, Bolîvya ra yê, çalakwanan reyde xoşebere kerde û vat, Ocalan rayberê şarê Kurdî yo û ganî hepisxane de nêmano. Aktîvîstan qalê têkoşîno ke welatanê xo de danê kerd û bi slogana “Biciwîyo Serek Apo” serdana xo qedênaye.
Çalakîya grevê vêşanîye ya Mele Mustafa Tuzakî kewte roja 97’ine, ya Şîyar Xelîlî roja 84’ine de dewam kena û çalakîya grevê vêşanîye ya Omer Bagdûr û Cemal Kobanê zî roja 81’ine de ya. Mele Mustafa Tuzak sere de nêweşîya zerrî û xeylî nêweşîyê giranî ci de qewimîyayî, vizêrî dabi zanayene ke heta tecrîd Îmraliyî de nêro wedaritene ê do çalakîya xo dewam bikerê.
