Paytextê Almanya Berlîn û bajaranê Frankfurt û Stuttgartî de bi çalakîyan tecrîdê serê Rayberê Şarê Kurdî Abdullah Ocalanî û bêvengîya Ewropa ameyî şermezarkerdene.

Paytext Berlîn de rayberîya Têgêrayîşê Ciwanan ê Şorişgêrî de rayraşîyayîşêk ame viraştene. Dezgehanê Kurdan û şorişgêranê Almanan zî paştdayîş da ci. Qiseykerdişan de CPT û dezgehanê Ewropa yê bînan ra ame waştenê ke berpirsîyarîya xo cade bica biyarê.

Stuttgart de zî Platformê Vera Tecrîdî Cuye çalakîyêk organîze kerde. Çalakwanan standê zanayîşî akerd û derheqê tecrîd û grevê vêşanîye de zanayîş da. Platformî da zanayene ke ê do 29’ê Nîsane, û 3 û 6’ê Gulane de reyna standî abikerê û bale biancê serê xoverdayoxanê grevê vêşanîye.

Bajarê Frankfurtî de zî çalakîya roniştişî ameye viraştene. Çalakwanan  vera tecrîdî bêvengîya Ewropa şermezar kerde. Çalakîya ke hetê xeylî rêxistinan ra hempar ameye orgazîkerdene de xoverdayoxê grevê vêşanîye ameyî silamkerdene.