Grevê vêşanîye yê ke rayberîya Leyla Guvene de dest pêkerd û  zîndananê Kurdistan û Tirkîya û xeylî cayanê dinya de vila bîyî, înan rê paştdayîşî zêdîyene. Aktîvîstê Almanî no hewte dest bi kampanyaya aliqnayîşê aşîfan kenê.

Kampanya hetê Têgêrayîşo Femînîst (Ma pîya mucadele bikerê) û Tatort Kurdistan ( cayê qewimîyayîşî Kurdistan) yo ke xeylî wexto  ke seba ke bale binaco serê şerê Kurdistan xebatanê xo domneno, ra yena oragenîzekerdene. Aktîvîstî bi na kampanya  bale ancenê serê 7 hezar tepişteyanê ke zîndanan de grevê vêşanîye de yê û rewşa înan a krîtîke.

Aktîvîstanê ke 25’ê Nîsane sey roja kampanya îlan kerda, da zanayene ke ê ewro ra dest bi afîşan kenê. Aktîvîstî do her cayê cuye de bi slogananê, ‘Ma bêvengîye bişiknê‘, ‘Ma vengê zindanan bidê eşnawitene‘, ‘Vera tecrîdî 7 hezarî‘ afîşan bialiqnê. Aktîvîstanê ke kampanya organîze kerda semedê tewrbîyayîşê kampanya veng da waşt ke heme hetê demokratî paştî bidê înan û 25’ê Nîsane de afîşêk dard bikerê. Aktîvîstan da zanayene ke înan vengê xoverdayoxan eşnawito û wazenê bidê eşnawitene û  vat ke ganî vernî de Yewîya Ewropa, Konseya Ewropa û Komîteya Vernîgirewtişê Îşkenceyî (CPT) goş bidê nê vengî û cade tê bigêrê.

Aktîvîstan waşt ke mekteb, keye, cayê karî, wesayît, bisîklet, dar, yega ça beno wa bibo wa her kes yew afîş bialiqno û bale bianco serê grevê vêşanîye û fotografê ci binaco û medyaya sosyale ser a pare bikero. Kam ke biwazo eşkeno fotografanê xo nê adresan rê bişawo:

Signal / Whatsapp / Telegram: +49 177 138 0767
E-mail: [email protected]
Twitter / Instagram: #7000gegenIsolation