Hîrê şaristananê Almanya de bi wesîleya 18ê Adare Roja Tepişteyanê Sîyasîyan ê Mîyanneteweyîyî bi mîtîng û rayraşîyayîşan polîtîkaya krîmînalîzekerdişî yê Almanya ameyî protestokerdene û seba tepişteyanê sîyasîyan azadîye ameye waştene.

Stuttgart de verê Zîndanê Stammheimî de mîtîngêk ame kerdene. Çalakîye de qanûnê 129a/b ame protestokerdene. Mîtîngî ra dima komêke dormeyê zîndanî de rayraşîyayîş kerd. Tepişteyanê kurdan ê zîndanî zî bi sloganan paştî daye rayraşîyayîşî.

Kassel de seba azadîya tepişteyanê sîyasîyan rayraşîyayîşêk ame kerdene. Rayraşîyayîş de tim sloganê sey ''Bijî Berxwedana Zîndanan'', ''Bijî Serok Apo'', ''Jin, Jiyan, Azadî'' ameyî vatene.

Hildesheim de verê Dêrê Jakobi de mîtîngêk ame kerdene. Mîtîng de venga dewleta Almanya dîya ke wa krîmînalîzekerdişê kurdan ra fek vera bida.