Almanya û Swîsre de tecrîd ame protestokerdene
Bajaranê Hamburg, Koln, Freîburg û Mannheîmî yê Almanya û bajarê Baselî yê Swîsre de tecrîdê serê Rayberê Şarê Kurdî Abdullah Ocalanî ame şermezarkerdene.
Bajaranê Hamburg, Koln, Freîburg û Mannheîmî yê Almanya û bajarê Baselî yê Swîsre de tecrîdê serê Rayberê Şarê Kurdî Abdullah Ocalanî ame şermezarkerdene.
Xeylî bajaranê Almanya û Ewropa de Kurdistanijî û dostê înan vejîyayî kuçeyan tecrîdê serê Ocalanî şermezar kerd û xoverdayîşê grevê vêşanîye û rojeyê mergî silam kerd.
Hamburg
Bajarê Hamburgî yê Almanya de Kurdistanijan merkezê bajarî de bi çalakîya rêzela merdimî bale ante serê xoverdayîşê grevê vêşanîye û rojeyê mergî yê ke rayberîya parlamentera Colemêrgî Leyla Guvene de semedê wedartişê tecrîdê serê Rayberê Şarê Kurdî Abdullah Ocalanî yenê viraştene. Nûştoxe û aktîvîsta Almane Anja Flacha ke mîtîng de qisey kerd ard ziwan ke tecrîd goreyê huqûqî nêyo û nêno qebûlkerdene.
Mannheîm
Mannheîm de zî rayberîya Meclîsê Cinîyan ê Ronahî Berîvane û Merkezê Komalê Kurdî de çalakîyêk ameye organîzekerdene. Çalakîye de endama têgêrayîşê cinîyan ra Zozan Serhate ard ziwan ke heta wedartişê tecrîdî şarê Kurdî do kuçeyan de bo.
Koln
Koln de zî Kurdistanijî vernîya Kilîseyê Domî de ameyî pêser û vera tecrîd, grevê vêşanîye û rojeyê mergî, bêvengîya welatanê Ewropa şermezar kerde. Cinîyan tîyatroyê kuçeyî de kayê hîrê meymunan kay kerd û vengda dezgehanê Ewropa ke wa bêveng menanê.
Freîrburg
Bajarê Freîburg de hetê Meclîsê Cinîyan ê Nûda û Merkezê Komelê Kurdî yê Demokretîkî ra çalakîya xeyme ameye viraştene. Çalakîya ke do heta roja Pancşeme bêro dewamkerdene de derheqê tecrîd û grevê vêşanîye de xeylî velawekî ameyî vilakerdene.
Basel
Bajarê Baselî yê Swîsre de bi çalakîyêk bale ame antene serê rojeyê mergî û grevê vêşanîye. Platformê Paştdayîşê Grevê Vêşanîye çalakîya roniştişî organîze kerde. Çalakîye de ame vatene ke heta tecrîd wemedarîyo ê zî kuçeyan canêverdene.
Hetê bînî ra ewro do bajaranê Cenevre, Bern û Zurîhî yê Swîsre de zî bi heman waştişî çalakîyî bêrê viraştene.
Zurîh vernîya Konsoloxaneyê Tirkî saet: 16:00
Bern vernîya parlamentoyî saet: 14:30
Cenevre vernîya Ofîsê Neteweyê Yewbîyayeyî saet: 15:00