Roja diyîn a Konfransê Ciwanan ê Dinya de cinîyê ke ameyî têhet bi Atolyeya bi 'Jin Jiyan Azadî' ver bi Şorişê Cinîyan muneqeşeyê cîya cîyayî kerdî.

Cinîyan ê ciwanan sereyê atolye de azadîya cinîyan ser ercnayîşî kerdî. Cinîyan vat semedê afirnayîşê komelêkê azadî ganî zîhnîyeto serdest bêro mirnayene. Cinîyê ciwanê ke tewrê atolye bîyî bitaybetî azadkerdişê cinîyan de rol û mîsyonê ke kewnê mile camêrdan ê ercnayî.

Cinîyê ciwanê ke rêxistinanê cîya cîyayan ra tewrê konferans bîyî ard ziwan ke ê do wayîrê fikre cuyeya azade bivejîyê.

Persê "Ma senî eşkenê newera cuyeya azade înşa bikerê" ser o muneqeşeyî ameyî kerdene, çarçeweya hemleya ‘’Jin Jiyan Azadi Serbixe Azadî’’ de metodanê hemparan ser o qerarî ameyî girewtene.